أحدث الأخبار
Picture2 43362
Picture2 43362

وللقلم ذكريات يحكيها لنا قلم شاعر مع الاستاذه المتالق ملك الاصفر . ينقلها لكم سناء قنديل ..تابعونااا قصيدة باللهجة العامية ...بعنوان ... أيام زمان

كتب  نشر في أدب الإثنين, 02 تموز/يوليو 2018 22:21
قيم الموضوع
(1 تصويت)

بتذكر نحنا أطفال
بالكسوة الجامع لكبير
فيو الشيخ حسين سمارة
إمام وكان تقي كتير
ويوم الجمعة يعمل خطبة
ويحث الناس على الخير
والناس كلا كانت أخوة
الغني منها والفقير
............................
وع الشارع كان في محلات
بتعرض لبضاعة للبيع
وبتقصدها كل الناس
بتشتري كل شي بديع
شو بدك بتلاقي فيها
وبتلبيك على السريع
ومشرعة دوم بوابا
بترضي أذواق الجميع
......................
ومن عند حسن الشيخة
كنا نشتري ل قماش
نشتري بوبلين ومنضا
وأجواخ وخامات وشاش
ومن عند حمادة عليا
نشتري كنفا وخيطان
ونشتري كاز ومازوت
سمانة أشكال وألوان
.......................
ومن عند مصطفى الشامي
كنا نشتري الحليب
وسلتة ومبيض غسيل
وشو بدك من عندو تجيب
وبالساحة عباس لخياري
نشتري من عندو زبيب
ومصاص وفستق وبزر
بخمس قروش نعبي الجيب
.....................
أما أحمد أبو الشمس
كان في عندو عصرونية
وأبو بشير الخضراوي
من عندو الخضرة زهية
والإسكافي أبو العوف
بيصلحلنا الأحذية
والحلاق .. كان عيدو الخصا
بيحلق للعالم يومية
......................
وتغيرت الأيام
وتقدمت البشرية
وصار في عنا نادي وسنتر
ومطاعم أكل غربية
والعرس صار بالصالات
والسهرة حتى الصبحية
وصرنا نتباها بالمال
والناس كلا أفندية
............................................
د . ملك محمود الأصفر

عاجل



تابعنا على فيس بوك

المتواجدون الآن

187 زائر، ولايوجد أعضاء داخل الموقع

من نحن

شبكة متخصصة في نقل الاحداث اليومية والقضايا الهامة.
مجموعتنا تنقل الخبر من قلب الاحداث.

  فريق عمل الموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.