أحدث الأخبار

nav 3c8d6

nav 3c8d6

ازاى اختار العمل اللى يناسبنى .. بقلم / سلمى امين

كتب  نشر في مقالات وآراء الخميس, 12 تشرين1/أكتوير 2017 16:01
قيم الموضوع
(1 تصويت)


قال هارى ايمرسون فوسيدك ( كل شاب ينقلب مقامر حين يختار لنفسه عملا يرتزق منه ... انه فى هذه الحاله يتآمر بحياته )
علشان كده لازم الانسان يختار العمل المناسب اللى يقدر يقضى فيه ساعات كتير من غير ملل وكلل اللى تقدر تحس فيه بالسعاده والرضا والقدرة على النجار والابتكار ، واكبر دليل على كده العالم الكبير اديسون مكتشف المصباح الكهربى اللى مكنش عنده القدرة على التعلم قال : ( اننى لم اعمل يوما واحدا فى حياتى بل كنت الهو )

وقد حث القرآن الكريم على العمل فقال تعالى " وقل اعملوا فسيرى الله عملكم ورسوله والمؤمنون وستردون الى عالم الغيب والشهاده فينبئكم بما كنتم تعملون " .ولكن علشان تكون سعيد فى عملك لازم تختار اللى يناسبك .كم واحد فينا دخل كليه من كليات القمه علشان مجموعه العالى فقط او علشان رغبه والديه ؟! . كم واحد اشتغل فى مجال مش بيحبه لمجرد ان مرتبه اعلى ؟ ولكن من وجهه نظرى السعاده تكمن فى العمل اللى انت عاوزه وبتحبه ، فتصحى كل يوم الصبح وانت جواك طاقه لتحقيق حاجه جديده وتبتكر فى عملك ده .

كتير جدا من المتخرجين من الجامعات عاوزين يشتغلوا اى حاجه المهم يشتغلوا ، فطبعا بيدأوا يشتغلوا بعيدا عن تخصص دراستهم.
بلاش تفكر فى وظيفه لمجرد بس انك تبقى ضامن مرتب كل شهر وتأمين ومعاش ، حاولوا كده تسألوا اى موظف حكومى مثلا انت مبسوط فى شغلك ده ؟ بتحبه ؟ شايف ولاقى نفسك فيه ؟ قادر تبتكر فيه من غير اى عراقيل ؟! معظمهم لأ . بشوف ناس كتير طلعت على المعاش وهى على وضعها بتعيش حوالى ٤٠ ، ٣٥ سنه تترقى من درجه لدرجه ، وبعدين هوب تكمل الستين تاخد المكافأه ويحاول يتعايشوا بالمعاش . لكن مكنوش سعداء باللى عملوه ، دفاتر وارقام وحاجات كتير ، كانت ايامهم متعاده . زى احمد حلمى فى فيلم عسل اسود!

حدد انت عاوز ايه ، وفكر فى امكانياتك ، حط دايما هدف قصاد عينك . اسأل ناس كتير فى المجال اللى انت عاوز تشتغل فيه اسمع منهم عملوا ايه والمصاعب اللى وجهوها ، استفيد من خبراتهم وازاى تنجح فى المجال ده اقرا كتير عن الشغل اللى عاوز تبقى فيه واياك تيأس

دور على اللى بتحبه واعمله صدقنى هتنجح فيه . بلاش تتدفا

بقلم
سلمى امين

عاجل

إعلان

إعلان

تابعنا على فيس بوك

المتواجدون الآن

930 زائر، وعضو واحد داخل الموقع
  • محمد حسونه

من نحن

شبكة متخصصة في نقل الاحداث اليومية والقضايا الهامة.
مجموعتنا تنقل الخبر من قلب الاحداث.

  فريق عمل الموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.