أحدث الأخبار
Picture2 43362
Picture2 43362

حوار مع نكاش

SuezNN

 

4000 800d7

كتب ..وائل المصرى..

حدثت معى مفارقه غريبه جدا وسعدت جدا بها لانها اظهرت لى جانب من المجتمع استغله احد الشباب وزملائه ووجدوها مصدر رزق لهم تأتى ثمار مجهودهم وتساعدهم على الحياه باستقرار...اثناء عودتى من القاهره وفى احد شوارع مدينه نصر وجدت شباب يبحث فى احد صناديق القمامه ويفرز محتوياته استفزنى الموقف وشككت انه يضع شىء داخل الصندوق ....توقفت لشراء اشياء من كشك يجانب الصندوق ورجعت اليه ودار بيننا هذا الحوار ....انا..انت بتعمل ايه (سؤال بحذر) هو..بشوف شغلى .انا..وانت شغلك تقلب فى الزباله ..هو: عادى ايوة طبعا مش هو دة اللى بيجيب فلوس ..انا: الفضول عندى جعلنى اساله هو ايه ده اللى بيجيب فلوس ) هو : الزباله والنكش فى الزباله ...انت شكلك مش فاهم انا هافهمك..الزباله دى ثروه محدش عارف قيمتها احنا اربعه اصدقاء معانا مؤهل فوق متوسط من الغربيه..نزلنا القاهره هنا ومن فتره شغالين فى الموضوع ده وتمام الدنيا شغاله وماسكين المنطقه هنا ..انا: ودى بتجيب فلوس ؟ هو: هاديك اسعار تقريبيه للزباله حلو المشروع ده..

بس لو حد يفهم كيلو الصفيح الموجود فى علب السمن بجنيه وزجاجه الزيت المستعمل بجنيه ونصف وزجاجه الزيت الفارغه ال40 منها ب3 جنيه اما عبوة الكانز التى تحتوى على المنيوم فتمنها يقدر ب10 قروش للواحده احسبها انت بقى..هو انت بتسأل ليه هاتشتغل معانا ..

انا: لا الحمد لله انا شغال ...بس اوعدك لو مشيت من شغلى هادور عليك واشتغل معاك انا عرفت المكان ..هو: ضحكه راضيه بحاله بجد ..مع السلامه يا استاذ ..وظللت احسب واحاول انا اترجم قائمه اسعار القمامه الى اموال ...وجدت ان معدل دخل النكاش الواحد منهم قد يتعدى ال5000 جنيه شهربا والغريب فى الامر انى علمت ان هناك شركات تتعاقد مع سكان احياء لاستغلال القمامه بمقابل مادى شهرى ....

لماذا لا تطبق هذه الفكره داخل السويس خاصه ان احيائها صغيرة يمكن حصرها وتنفيز الفكرة فيها ...سواء من خلال المحافظه او من خلال رجال الاعمال لها ..واعتقد ان هناك اسر كثير ه تحتاج الى زياده دخلها بهذه الصورة البسيطه والسهله فلا عيب فى ذلك فانا تقابلت بالفعل مع نكاش مثقف

 

 

 



شاهد معنا


تابعنا على فيس بوك

المتواجدون الآن

315 زائر، ولايوجد أعضاء داخل الموقع

من نحن

شبكة متخصصة في نقل الاحداث اليومية والقضايا الهامة.
مجموعتنا تنقل الخبر من قلب الاحداث.

  فريق عمل الموقع

عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.